Zitat aus dem Artikel:
Traum Chresdach

Traum Chresdach      <--- klicken für "schöne" Version mit Grafik
~~~~~~~~~~~~~~~~~~~~~~~~~~~~~~~~~~~~

Traum Chresdach.
von Gerhard Ommer, 05.01.1992

Esch hann ens jedrömbt, su für e paar Johre
et Chreskeng wär om Lügget jebore.
Am ahle Krüx – enn de Höcks Schür
Jejenöffer de Röbkamps Weetschaftsdür.
Ne Holzbock, met Heu usjeschlage
dät et kleine Chreskengche trage.
Als Dier dohenge, su e besje ronk –
de Heybergs Hipp un vum Anna de Honk.
De Jesangverein met alle Mann
fing janz festlich et Haleluja ahn;
et klang su – als soll net nur Fredde op Erde
sundern och Fredde om Lügget wäde.
Als Hirten de Bens – de Blaß unn och minge Vaade,
sie stonn janz hösch bei Höks em Jaade.
De Berg mem janze Heimatverein,
selvs de Kobes, de Hubät unn de Paafraths Hein,
de Höks Hubät unn de Röbkamps Well
stan en de Eck – se woore jans stell.
Unn henge em Jestrüpp
Stund et Fin unn de Lanz Jüpp.
De Lindlars Pitter brat Wießbrot ahn,
et Neus Liesje braht Zucker unn Trahn,
de Frau Möller unn et Hebborns Ann
kome met de Melchtöt ahn.
Mir Pänz – de Jupp, Tünn, Franz enn de 1. Reih,
de Mines –de Walter- och esch wor dobei.
Me wor sech enig, et wor esu wick
et würd sech verdrage – et jütt kenne Strick,
et jütt keine Knies mie, su hürt me se schwaade,
janz Lügget stund beim Schulte em Jaade.
Als 3 Weisen, sooch esch en de Taat
de Heinz, de Büb unn de Studienrat.
Se kome vom Hongsplatz eropjetrocke,
braten vum Bürgerverein, Wöschje, Kölsch unn wärm Socke.
De Julius en de Eck met jrußem Hot
maht Bilder unn joov joode Root.

Dat Alter – die Johrgäng stemme net üveren
doch die Lück hann esch all schon am Lügget jesinn.

De Draum war am Eng – do fäält me enn –
ech hat jo ja kein Kamel jesinn.