Weihnachten-Forum.de

[Desideria]

Ein Gedicht aus Ostpreußen (Walter Scheffler)

Vär Winachte


Witt öngemummelt liggt de Welt -
ök goa se hen on dreem,
de Frost, dä köppt, dat Schneke föllt,
et riekt noa Dannebeem.

Dat ös de röchtge Winachtsloft -
mi warrt so week to Sönn.
Ök hevv mi e Hampelmann gekofft
on een Kommruut - kommrön.

Ök kick mien Späälltieg selig an -
mench ener drellt sök om:
"Wat späält dä möt dem Hampelmann -
so oolt on noch so domm!"

Nu huck ök oler Junggesell
ön miner Stoav alleen -
dat Moondke schient, mi warrt so hell,
as kunn ök Geister seen.

Mien Späältieg mi ganz schummrig stömmt-
moakt nich de Däär sök op?
Mien Mudder kömmt, mien Voader kömmt
on strikelt mi dem Kopp:

"Wie freit ons dat, ons oler Sään,
dat du nich trurig granzt-
wie ös dat doch von di so scheen,
dat du noch späle kannst.

De Mönsche wanke her on hen,
dat Glöck, dat stiegt on föllt -
sulk späältiegfreidger Kindersönn
buut sök sien bäätre Welt....